आजपासुन ०६ डिसेंबरपर्यंत घोडबंदर रोडवर वाहतुक बदलकॅडबरी मेट्रो स्टेशनवर रूफ वॉटर ड्रेन टाकण्यासाठी रात्रौ ११ ते पहाटे ५ पर्यंत नो एन्ट्री
ठाणे, प्रतिनिधी वाहतुक कोंडीने त्रस्त असलेल्या ठाणेकरांना वाहतुक बदलाच्या त्रासाला सामोरे जावे लागत आहे. घोडबंदर रोडवरील कॅडबरी मेट्रो स्टेशनवर रूफ वॉटर ड्रेन टाकण्यासाठी २९ नोव्हेबर ते ०६ डिसेंबर पर्यंत रात्रौ ११ ते पहाटे ५ पर्यंत वाहतुकीत बदल करण्यात आले आहेत. ठाणे शहर वाहतुक शाखेने याबाबतची अधिसुचना जारी केली आहे.
घोडबंदर रोडवरील कॅडबरी मेट्रो स्टेशन या ठिकाणी उभारण्यात आलेल्या मेट्रो स्टेशनवर रूफ (मेट्रो स्टेशनचे छत) वरील पाण्याचा निचरा करण्यासाठी मेट्रो स्टेशनवर रूफ वॉटर ड्रेन गटार टाकण्याचे काम दि.२९ नोव्हे. रोजी ते दि. ०६ डिसेंबर रोजी करण्यात येणार आहे. सदरचे काम हे ३० टनी मोबाईल क्रेनच्या सहाय्याने करण्यात येणार आहे. त्यामुळे सदर क्रेन ही मुंबई नाशिक वाहीनीवर कॅडबरी उड्डाण पुलावरील मुख्य वाहीनीवर उभी करण्यात येणार आहे. त्यामुळे या परिसरात वाहतुक कोंडी होऊ नये व परिसरातील वाहतूक सुरळीत व सुनिश्चित राहण्यासाठी २९ नोव्हेबर ते ०६ डिसेंबर या कालावधीत रात्रौ ११ ते पहाटे ५ पर्यंत वाहतुकीत बदल करण्यात आले आहेत. याबाबतची अधिसूचना वाहतुक उपायुक्त पंकज शिरसाट यांनी जारी केली आहे. मात्र पोलीस वाहने, फायर ब्रिगेड, रुग्णवाहिका, ग्रीन कॉरीडोर, ऑक्सीजन गॅस वाहने व इतर अत्यावश्यक सेवेतील वाहनांना ही अधिसुचना लागू राहणार नाही. प्रवेश बंद -१) मुबंईकडुन नितिन ओव्हर ब्रिजवरून नाशिककडे घोडबंदरकडे जाणा-या सर्व प्रकारच्या वाहनाना नितिन ब्रिज चढणीचे सुरूवातीला दुभाजक जवळ ‘प्रवेश बंद’ करण्यात आला आहे.पर्यायी मार्ग -या मार्गावरील सर्व प्रकारची वाहने ही नितिन ब्रिज चढणीच्या सुरूवातीच्या दुभाजक येथून स्लीप रोडने नितिन जंक्शन कॅडबरी जंक्शन येथुन स्लीप रोडने पुढे कापुरबावडी वरून इच्छितस्थळी जातील.
