*दहिसरमध्ये दहिहंडी सरावादरम्यान ११ वर्षीय बाल गोविंदाचा ६ व्या थरावरून कोसळून मृत्यू.
मुंबई:—दहीहंडीआधी मुंबईत मोठी दुर्घटना घडली आहे. दहिसरमध्ये दहीहंडी सरावादरम्यान अकरा वर्षीय गोविंदाचा मृत्यू झाला आहे. यामुळे सुरक्षा उपायांवर प्रश्नचिन्ह निर्माण झाले आहे. दहिसर केतकीपाडा येथे दहीहंडीच्या सरावादरम्यान ही दुर्देवी घटना घडली आहे.
महेश रमेश जाधव असं मृत्यू झालेल्या मुलाचं नाव आहे. या घटनेमुळे सर्वत्र हळहळ व्यक्त करण्यात येत आहे. तसेच लहान वयातील गोविंदांच्या सुरक्षेबाबत गंभीर प्रश्न निर्माण झाले आहेत.* दहिसर केतकीपाडा येथे दहीहंडीच्या सरावादरम्यान घडलेल्या दुर्दैवी घटनेत अकरा वर्षीय महेश रमेश जाधव या बाल गोविंदाचा मृत्यू झाला आहे.
मिळालेल्या माहितीनुसार, महेश जाधव हा आपल्या पथकासोबत दहीहंडी सरावात सहभागी झाला होता. मात्र, सरावादरम्यान झालेल्या अपघातात त्याचा मृत्यू झाला. या घटनेमुळे परिसरात शोककळा पसरली आहे.* दहिसरच्या केतकीपाडा येथे रविवारी रात्री नेहमीप्रमाणे येथील दहिहंडी पथक दहिहंडीचा सराव करत होते. या पथकात महेश रमेश जाधव (11) या चिमुकल्या गोविंदाचा समावेश होता. या पथकाने 6 थर लावले होते. चिमुकला महेश सहाव्या थरावर चढला होता. रात्री पावणे दहाच्या सुमारास तो ६ व्या थरावरून कोसळला आणि त्याला झेलण्याच्या आत तो जमिनीवर पडला. त्याला उपचारासाठी दहिसर पूर्वेच्या प्रगती रुग्णालयात दाखल करण्यात आले. उपचारादरम्यान त्याचा मृत्यू झाला.*
