मुसळधार पावसामुळे जनजीवन विस्कळीत होऊ नये यासाठी ठाणेमहानगरपालिकेच्या आपत्ती व्यवस्थापन कक्षातून सुरू असलेल्याउपाययोजनांचा आढावा घेऊन आज काही महत्वपूर्ण सूचना केल्या.

मुसळधार पावसामुळे जनजीवन विस्कळीत होऊ नये यासाठी ठाणे महानगरपालिकेच्या आपत्ती व्यवस्थापन कक्षातून सुरू असलेल्या उपाययोजनांचा आढावा घेऊन आज काही महत्वपूर्ण सूचना केल्या.
ठाणे महानगरपालिकेने मॉन्सूनचा सामना करण्यासाठी आपत्ती निवारण कक्षात हॉटलाईन सुरू केल्या आहेत. शहरातील ५२ सखल भाग शोधून त्यातील ३८ ठिकाणी ६६ पंप बसवण्यात आले आहेत तसेच ८ ठिकाणी सेन्सर लावण्यात आले असून नाल्यातील पाण्याची पातळी धोकादायक परिस्थितीत आल्यास तात्काळ स्थानिक नागरिकांचे स्थलांतर करता येणे शक्य होणार आहे. या सर्व उपाययोजनांमुळे आज १३५ मिमी पर्यंत पाऊस पडूनही फारसे पाणी साचले नाही.
ठाणे शहर आणि जिल्ह्यातील संभाव्य आपत्ती ध्यानात घेऊन टीडीआरएफचे एक आणि एनडीआरएफची दोन पथके सज्ज ठेवण्यात आलेली आहेत. २१ बोटी आणि १५ स्कुबा डायव्हर्स देखील सज्ज ठेवण्यात आले आहेत,
रस्ते दुरुस्तीची कामे पूर्ण केली असून, गटाराच्या मॅनहोलला जाळ्या बसवण्यात आल्या आहेत. सी-१ कॅटेगरीच्या धोकादायक इमारतीत राहणान्या सर्व रहिवाशांचे सुरक्षित स्थळी स्थलांतर करण्यात आले असून कोणत्याही परिस्थितीत जीवितहानी होऊ नये यासाठी संपूर्ण यंत्रणा अलर्ट ठेवून काम करण्यासंदर्भात निर्देश याप्रसंगी दिले.
यावेळी खासदार नरेश म्हस्के, ठाण्याचे जिल्हाधिकारी अशोक शिनगारे, माजी नगरसेवक राजेंद्र साप्ते, ठाणे महानगरपालिकेचे अतिरिक्त आयुक्त (१) संदीप माळवी अतिरिक्त आयुक्त (२) प्रशांत रोडे तसेच आपत्ती व्यवस्थापन कक्षातील सर्व अधिकारी आणि कर्मचारी उपस्थित होते,
Q