बुधवारी ठाण्यात संविधान गौरव रॅलीडाॅ.जितेंद्र आव्हाड आणि एड.असीम सरोदे यांची उपस्थितीठाणे, प्रतिनिधी भारतीय संविधानास यंदा 75 वर्षे पूर्ण होत आहेत. त्यानिमित्ताने 26 नोव्हेंबर रोजी दुपारी 4 वाजता ठाण्यात भव्य – दिव्य संविधान रॅली काढण्यात येणार आहे. या रॅलीत राष्ट्रवादी काँग्रेस-शरदचंद्र पवार पक्षाचे सरचिटणीस डाॅ.जितेंद्र आव्हाड आणि ज्येष्ठ विधिज्ञ असीम सरोदे हे सहभागी होणार आहेत, अशी माहिती राष्ट्रवादीचे जिल्हाध्यक्ष मनोज प्रधान यांनी दिली.
संविधानाची प्रतिकृती असलेल्या रथासह बुधवारी दुपारी ४ वाजता ठाणे स्टेशन येथील डाॅ. बाबासाहेब आंबेडकर यांच्या पुतळ्यास अभिवादन करून या रॅलीला प्रारंभ होणार आहे. तलावपाली येथील छत्रपती शिवाजी महाराज यांच्या अश्वारूढ पुतळ्यास पुष्पहार अर्पण करून ही रॅली सिव्हील रूग्णालयाकडून जिल्हाधिकारी कार्यालय येथे पोहचेल.जिल्हाधिकारी कार्यालयासमोरील संविधान प्रास्ताविकेच्या प्रतिकृतीनजीक या रॅलीचा समारोप होणार आहे.
